Bakıda Qazaxıstan Kinosu Günləri keçiriləcək. ANS PRESS-in Mədəniyyət və Turizm Naziriyinə istinadən verdiyi məlumata görə, filmlər martın 29, 30-da və aprelin 1-də saat 19.00-da Nizami Kino Mərkəzində nümayiş ediləcək.Qazaxıstan Kinosu Günləri Azərbaycan - Qazaxıstan mədəni əlaqələrini möhkəmləndirmək və tamaşaçılarımızı qazax kinosunun nümunələri ilə tanış etmək məqsədilə Mədəniyyət və Turizm Nazirliyi Qazaxıstanın Azərbaycandakı Səfirliyi ilə birgə həyata keçirilir. Proqrama 3 bədii film daxil edilib. Kino Günlərinin açılışında tamaşaçılara rejissor Rüstəm Abdraşevin "Uşaqlığımın səması" filmi göstəriləcək. Martın 30-da Sultan-Ahməd Xodjikovun "Kız jibek", aprelin 1-də isə Slambek Tayekelin "Jeruyık" filmləri nümayiş olunacaq.
|
Bakıda Qazaxıstan Kinosu Günləri keçiriləcək
