Ankara Özəl Aziziye Təhsil Təşkilatları tərəfindən bu il altıncısı təşkil edilən ənənəvi İlin Mədəniyyət Mükafatları Proqramında azərbaycanlı müğənni Azərinə "Mədəniyyət elçisi" mükafatı təqdim edilib. Müklafatlandırma mərasimində iştirak etmiş tanınmış telejurnalist, Asiya Dialoqu İctimai Birliyinin sədri Sevil Nuriyevanın Modern.az-a veriyi açıqlamaya görə Özel Aziziye Təhsil Təşkilatları konfrans salonunda keçirilən, çox sayda siyasətçi, məmur və sənətçinin qatıldığı təqdimatda Azərin böyük coşqu ilə qarşılanıb. Qeyd edək ki, bu mükafat hər il Türk mədəniyyətinin inkişafına xidmət edən şəxslərə və qurumlara şagird, müəllim və valideynlərin seçimləri nəticəsində verilir. Bu il də 8 fərqli nominasiya üzrə təşkilat və şəxslər mükafata layiq görülüb.
|
Azərinə "Mədəniyyət elçisi" mükafatı verilib
