+  -  Çap 

Onlar ötən il dövlət büdcəsinə 318 milyon manat vergi ödəyiblər

Hazırda Azərbaycanda 4 min 518 nəfər türk çalışma icazəsi ilə fəaliyyət göstərir.

Gün.Az-ın verdiyi xəbərə görə, bunu Türkiyənin Azərbaycandakı səfirliyinin çalışma müşaviri Mustafa Gur deyib. O bildirib ki, 1991-ci ildən 2011-ci ilədək 3 min 707 türk şirkəti qeydiyyatdan keçib.
"2011-ci ildə isə türk şirkətlərinin sayı 360 olub. Türk şirkətləri 2011-ci ildə Azərbaycan dövlət büdcəsinə 318 milyon manat vergi ödəyib".
M.Gurun sözlərinə görə, Azərbaycan vətəndaşları tərəfindən 2011-ci ildə Türkiyədə 190 şirkət yaradılıb.
"Azərbaycandakı türk vətəndaşlarının sayı 43 min 846 nəfər, yaşama icazəsi olanların sayı 12 min 875, qeydiyyatsız yaşayanların sayı 30 min 971 nəfərdir".
M.Gur qeydiyyat keçməyən soydaşlarımızın da qeydiyyatdan keçməsinin qarşıda duran əsas vəzifələrdən olduğunu bildirib.