Azərbaycanlıların və digər Türkdilli Xalqların Əməkdaşlıq Mərkəzinin (ATXƏM) rəhbərliyi - sədr İlham İsmayılov, sədr müavini Şəmistan Əlizamanlı, icraçı katib Salman Vilayətoğlu və tərcüməçi-referent Səadət Ramazanlı 8 Mart Beynəlxalq Qadınlar Günü münasibəti ilə Bakı şəhəri Yasamal rayonu 10 saylı uşaq bağçasını ziyarət etmişdir.İlk öncə bağça ilə yaxından tanış olan ATXƏM rəhbərliyi bağça müdirəsi Validə xanımın müşayiəti ilə burada uşaqların rahatlığı üçün düzəldilmiş təbiəti əks etdirən guşə ilə yaxından tanış olmuşlar. Qonaqaları düzənlədikləri musiqi nömrələri ilə qarşılayan uşaqlar, şer söyləmiş, rəqs nümunələri və kiçik tamaşa nömrələri göstərmişlər. Bağçanın şəraitindən və uşaqların hazırlıqlarından məmnun qalan ATXƏM rəhbərliyi bağçanın müdirəsi Validə xanıma təşəkkür etmiş və balaca balalara ATXƏM adından musiqi mərkəzi hədiyyə etmişdir.
|
ATXƏM Yasamal rayon 10 saylı uşaq bağçasını ziyarət etmişdir - 14.03.2008
