Ermənistan işğal etdiyi Azərbaycan torpaqlarında qanunsuz məskunlaşma siyasətini davam etdirir. APA-nın "Panarmenian"a istinadən yaydığı məlumata görə, son beş il ərzində işğal altında olan Azərbaycan ərazilərinə 600-dən çox ailə köçürülüb. Həmin ailələrin əksəriyyətinin qoşunların təmas xətti yaxınlığında məskunlaşdırıldığı bildirilir. İşğal altındakı ərazilərdə fəaliyyət göstərən separatçı rejimin "sosial təminat naziri" Narine Astçatryan bildirib ki, məskunlaşma siyasəti xüsusi konsepsiya əsasında həyata keçirilir. O prosesin tam şəkildə gerçəkləşməsi üçün maddi vəsait çatışmazlığının olduğunu qeyd edib.
|
Ermənilər Azərbaycan ərazilərinə köçürülür
