Erməni soyqırımının olması barədə deyilənlər yalan və iftiradan başqa bir şey deyil, heç bir hüquqi əsası yoxdur. Gün.Az-ın verdiyi xəbərə görə, bunu jurnalistlərə açıqlamasında Türkiyə Respublikasının ölkəmizdəki səfiri Hulusi Kılıç deyib.Səfir xatırladıb ki, Türkiyə prezidenti Abdullah Gül 2005-ci ildə arxivlərin açılması ilə bağlı Ermənistan prezidentinə müraciət ünvanlasa da, həmin müraciətə bu günədək müsbət cavab verilməyib."Türkiyə və Azərbaycan getdikcə güclənir. Biz çox mühüm coğrafiyada yerləşirik. Azərbaycan torpaqlarının 20%-i işğal olunub. Xocalıda günahsız insanlar qətlə yetirilib. Bütün bunlara baxmayaraq, dünya birliyi buna göz yumur. Bir çox məsələlərdə ikili standartlardan istifadə olunur. Biz susmayacaq və haqq səsimizi qaldıracağıq. Biz ədalət və sülh istəyirik".
|
Hulusi Kılıç: "Biz ədalət və sülh istəyirik"
