Traxtur tərəfdarları Urmu Gölü ilə bağlı bəyanat yayıblar “Traxtur” futbol takımının (tim) tərəfdarları növbəti yarışda Urmu Gölünün qurudulması siyasətinə qarşı xüsusi şüar və gur səslə çıxış edəcəklər. Bu barədə “Traxtur” tərəfdarları yaydıqları 20-ci Bəyanatlarında bildiriblər: “İmperiyalar qurmuş azərbaycan-türk milləti Urmu Gölünün qurudulması siyasətinə heç bir şəraitdə göz yuma bilməz. Azərbaycanlı məsullar xüsusi ilə təhlükəsizlik qüvvələrindən Azərbaycan qeyrətini gözləyir və onlardan istəyirik ki, Urmu Gölünün qurudulmasına vasitə olmasınlar. Məsullar, Azərbaycanı gözləyən faciənin dərinliyini dərk edib və bu istiqamətdə xalqımıza yardım etməlidirlər.” Sonda vurğulanıb ki, “Azərbaycan türk milləti Urmu Gölünün ömrünün son ilində hər bir fürsətdən istifadə edib və öz etiraz səsini qaldıracaq. Düşmənlər bilsinlər ki, lazım olsa Urmu Gölünü öz qanımızla dolduracayıq. Əgər Liviya (Libi) və Suriya rəhbərlərinin aqibətinə düçar olmaq istəmirsinizsə, onda millətimizin fəryadını eşidin və məzlum Urmu Gölünü nicat verin”.
|
“Urmu Gölünü öz qanımızla dolduracayıq”
