Axtarış: 
“Əli bəy Hüseynzadə və türk dünyası” müsabiqəsinin qalibləri mükafatlandırıldı
+  -  Çap 
Yerləşdirilib: 04.05.14 | Baxılıb: 776
VKontakte Moy Mir Facebook Livejournal.com Twitter


Mayın 3-də Azərbaycan Mətbuat Şurası (MŞ) və Azərbaycanlıların və digər Türkdilli Xalqların Əməkdaşlıq Mərkəzinin (ATXƏM) kütləvi informasiya vasitələri arasında elan etdiyi “Əli bəy Hüseynzadə və türk dünyası” müsabiqəsinin qaliblərinin mükafatlandırılması mərasimi keçirilib.

3 may Türkçülük Gününə həsr olunmuş toplantını giriş sözü ilə açan Azərbaycan Mətbuat Şurasının sədri Əflatun Amaşov bildirib ki, yazıçı, şair, görkəmli fikir adamı Nihal Atsızın adı ilə bağlı olan Türkçülük Günü hazırda böyük təntənə ilə qeyd olunmaqdadır. Məhz belə bir gündə Əli bəy Hüseynzadəni yada salmaq müstəsna önəm daşımaqdadır. Çünki Əli bəy Hüseynzadə türkçülük ideologiyasının banilərindəndir. Onun kimi fikir dühalarının Azərbaycan xalqının formalaşmasında müstəsna xidmətlər göstərdiklərini deyən Ə.Amaşov əlavə edib ki, həmin şəxsiyyətlərin böyük əməyi nəticəsində Azərbaycan Demokratik Respublikasının ideoloji bazası hazırlandı.

Ə.Amaşov çıxışında eyni zamanda Əli bəy Hüseynzadəni siyasi türkçülüyün əsasını qoyan şəxsiyyət kimi də səciyyələndirib. Görkəmli mütəfəkkirin türk xalqlarının vahid dil konsepsiyasını irəli sürdüyünü diqqətə çatdırıb. “Sovetlər Birliyi dağılandan, türkdilli xalqlar müstəqil olduqdan sonra Əli bəy Hüseynzadənin ideyaları yenidən gündəmə gəldi. Nəticədə türk birliyini təcəssüm etdirən müxtəlif təşkilatlar yarandı. Bu gün həmin təşkilatlar məhz Əli bəyim miras qoyduğu ideoloji xəttin daşıyıcıları kimi çıxış edirlər. Fəxr ediləsi haldır ki, belə bir şəxsiyyəti yetirən məhz Azərbaycan torpağıdır. Buna görə də bizlər Əli bəy Hüseynzadə irsini daha dərindən öyrənməli və təbliğ etməliyik. Hesab edirəm ki, Azərbaycanlıların və digər Türkdilli Xalqların Əməkdaşlıq Mərkəzinin və Mətbuat Şurasının jurnalistlər arasında birgə müsabiqəsi də bu baxımdan əhəmiyyətli olub”, - deyən MŞ sədri müsabiqəyə böyük marağın olduğunu vurğulayıb. Əlavə edib ki, MŞ və ATXƏM bunu nəzərə alaraq mükafatçıların sayını artırmaq, eyni zamanda fəxri mükafatlar da təqdim etmək qərarına gəlib.

ATXƏM sədri İlham İsmayılov Əli bəy Hüseynzadənin 150 illik yubileyinin qeyd edilməsi ilə bağlı Prezident sərəncamını tariximizə, keçmişimizə diqqət və qayğı nümunəsi kimi qiymətləndirib. O, Əli bəy Hüseynzadənin həyat yolu barədə söz açaraq onun irsinin öyrənilməsinin aktuallığı üzərində dayanıb. “Əli bəy Hüseynzadənin 100 il əvvəl yazmış olduğu fikir və ideyalara bu günkü hadisələr reallığında baxanda görürük ki, doğrudan da türk dünyasının birliyinə çox böyük ehtiyac var”, - deyən İ.İsmayılov Əli bəy Hüseynzadə ilə bağlı tədbirlərin gələcəkdə də təşkil olunacağını söyləyib. Yazı müsabiqəsi barədə də söz açan İlham İsmayılov 40-dan artıq materialın təqdim edildiyini deyib.

MŞ İdarə Heyətinin üzvü, Bakı Dövlət Universitetinin jurnalistika fakultəsinin dekanı Şamil Vəliyev Əli bəy Hüseynzadə barədə çoxsaylı tədqiqatların aparıldığını, məqalələrin yazıldığını vurğulayıb: “Müstəqillik şüurumuzun əsasında məhz həmin şəxsiyyətin yaradıcılığı dayanır. Heç şübhəsiz ki, Əli bəy Hüseynzadəyə qədər də fikir adamlarımız, mütəfəkkirlərimiz olub. Ancaq Əli bəy ümumtürk coğrafiyasında türk dövlətləri birliyi ideyasını, türk federalizmini yayan ilk mütəfəkkirimizdir”.

Yazıçı-publisist, “OLAYLAR” İnformasiya Agentliyi və eyniadlı qəzetin rəhbəri Yunus Oğuz bildirib ki mayın 3-ü həm də Ümumdünya Mətbuat Azadlığı günüdür. Mətbuatın silahı olan sözün mahiyyətinə kəsilmiş azadlıq türkün yaşam etalonudur: “Orta əsrlərdə milli kimlik yaddan çıxmışdı. Əsasən dini kimlik və dinlərarası savaş, ideoloji mübarizə gedirdi. Son nəticədə dini kimlik təriqətlərə bölündü. Təriqətlər də şaxələndi. Bu gün də müəyyən radikal təriqətlər, digər dini təriqətlər var. Onların bir-birilərilə mübarizəsi həddən artıq güclüdür. Hətta bir neçə ölkədə tamamilə hakimiyyətə yiyələniblər. Ancaq türklük milli kimlik kimi bilinəndə artıq mübarizələrə son qoyulur. XV-XVI əsrdə dünyanı fəth edən dörd dövlət vardı- Osmanlı, Qızılbaşlar, Şeybanilər və Baburlar. Bunlar dini kimliyə, məzhəbə görə ayrılırdı. Ancaq bu gün bütün dünyada türklər, türk respublikaları artıq birləşirlər və türklük milli kimliyin simvoluna çevrilir. Təbii ki, bu millətin vahid gücə çevrilməsi deməkdir”.

Daha sonra çıxış edən şair Oqtay Rza Əli bəy Hüseynzadə ilə bağlı yazdığı şerləri səsləndirib. Milli Qeyri-Hökumət Təşkilatları Forumunun sədri Rauf Zeyni, Azərbaycan-Türkiyə Universitetləri Məzunları İctimai Birliyinin sədri Çingiz Bayramov Əli bəy Hüseynzadənin türkçülük ideologiyasının formalaşmasındakı rolundan, həyat və fəaliyyətindən, Azərbaycan milləti və xalqı üçün müstəsna xidmətlərindən danışıb. Natiqlər bu kimi dahi şəxsiyyətlərin həyat və fəaliyyətinin gənc nəslə çatdırılmasında QHT-lərin rolunu xüsusi qeyd edib və vətəndaş cəmiyyəti nümayəndələrini bu istiqamətdə fəal olmağa çağırıblar.

Çıxışlardan sonra “Əli bəy Hüseynzadə və Türk dünyası” müsabiqəsinin qalibləri mükafatlandırılıb. Məqalə müəlliflərindən beşinə Azərbaycan Mətbuat Şurası və ATXƏM-in xüsusi mükafatı təqdim olunub. Bundan başqa 1 nəfər birinci, iki nəfər ikinci, 3 nəfər isə üçüncü yerə sahib olub. 18 məqalə müəllifinə isə həvəsləndirici mükafat təqdim edilib.



“Əli bəy Hüseynzadə və Türk dünyası” müsabiqəsinin laureatlarının siyahısı

I yer

Samir Mustafayev, “Kaspi” qəzeti

II yer

1. Mübariz Abdullayev, “Yeni Azərbaycan” qəzeti
2. Dilqəm Əhməd, “Gündəlik teleqraf” qəzeti

III yer

1. Tahir Abbaslı, “Mədəniyyət” qəzeti
2. İsmayıl Qocayev, “Şərq” qəzeti
3. Könül Nəhmətova, “Azərbaycan müəllimi” qəzeti

Həvəsləndirici mükafatlar

1. Rufik İsmayılov, “Kaspi” qəzeti
2. Mənsur Cəfərov, “Şərq” qəzeti
3. Aynurə Əhmədova, “Ayna Zerkalo” qəzeti
4. Azad Adıgözəlov, “Türküstan” qəzeti
5. Tamxil Ziyəddinoğlu, “Bütöv Azərbaycan” qəzeti
6. Elmar Hüseynov, “Simsar.az” saytı
7. Təbriz Vəfalı, “Həftə içi” qəzeti
8. Fariz Yunisli, “Mədəniyyət” qəzeti
9. Əfsanə Bayramqızı, “Xalq qəzeti”
10. Gülşən Behbud, “Atilla” jurnalı
11. Şəymən Bayramova, “Şərq” qəzeti
12. Mübariz Bayramov, “Mövqe” qəzeti
13. Sevda Əsgərova, “Millətçilik” qəzeti
14. Hülya Məmmədova, “Yeni Azərbaycan” qəzeti
15. Vasif Həsənli, “Publika.az” saytı
16. Rüstəm Məlikov, “Qələbə” qəzeti (Salyan)
17. Azər Abdulla, “Astara” qəzeti (Astara)
18. Ramiz Həmidov, “Kür” qəzeti (Yevlax)

FƏXRİ MÜKAFATLAR

1. Şamil Vəliyev, BDU-nun jurnalistika fakultəsinin dekanı
2. Elçin Mirzəbəyli, “Xalq cəbhəsi” qəzetinin baş redaktoru
3. Nazim Muradov (KKTC) Lefke Universitetinin müəllimi
4. Bəxtiyar Qaraca, “Azərbaycan” qəzetinin əməkdaşı
5. Nəsir Əhmədli, BDU-nun jurnalistika fakultəsinin professoru
6. Alxan Bayramov, BDU-nun jurnalistika fakultəsinin dosenti

VIDEO
Cənubi Koreyada
 
“Qafqaz İslam Ordusu və Bakının qurtuluşu” mövzusunda konfrans keçirilib
 
İstanbul Türkiyə-Azərbaycan Dərnəyinin nümayəndə heyəti ATXƏM Ictimai Birliyinin qonağı oldular
 
“Bakıda Nuru Paşaya abidə qoyulmasını ölkə başçısından xahiş etmişik”
 
ATXƏM Salyanda Ramazan bayramı münasibətilə tədbir keçirdi
 
ƏFLATUN AMAŞOV-60
 
Azərbaycanın Milli Qəhramanı Murad Mirzəyevə həsr olunmuş film təqdim olundu
 
Belçikadakı Türk qeyri-hökumət təşkilatları XOCALI Soyqırımını qınayaraq, dəstək verdilər
 
 Digər xəbərlər

Axtarış
 


Nəriman Əbdülrəhmanlı “İlqar İlkin: Yaşından böyük adam”

Cəmi üç ay əvvəl İlqar İlkinin 45 yaşı tamam oldu...

Türk Dünyası Bələdiyyələr Birliyi türk dünyasına nələr vəd edir?

Sovet rejiminin dağılması nəticəsində 5 Türk dövləti (Azərbaycan, Qazaxstan, Türkmənistan, Özbəkstan və Qırğızstan) müstəqilliyini elan edib müstəqil dövlətlərin sırasında yerini almış oldu.

Hazara Türkleri'nin Geçmişi ve Bugünü

Prof. Dr. Mehmet Toplu

Hoca Ahmet Yesevi Uluslararası Türk Kazak Üniversitesi; Doç. Dr. Gazi Üniversitesi İletişim Fakültesi


Hazara Türkleri'nin çoğunluğunun yaşadığı ülke olan Afganistan İslam Cumhuriyeti, Orta Asya’da yer alan ve denizi kıyısı olmayan bir ülkedir. Doğu ve güneyde Pakistan batıda İran, Kuzeyde Türkmenistan, Özbekistan ve Tacikistan, doğuda da ufak bir sınırla Çin ile komşudur. Toplam 652.864 km² lik coğrafi alana sahip olan ülkede, 2014 nüfus verilerine göre 31,822,848 kişi yaşamaktadır. Ülkede yaşayan her 1000 kişiden 23,06'sı mülteci statüsündedir. (Afganistan, 2016). Halkın %99'u Müslüman'dır. Bunların %80'i Sünni ve %19'u Şii'dir. %1'i ise diğer dinlere mensuptur.
 Digər xəbərlər
 Ayhan Dəmirçi: “Avropa Azərbaycan məsələsindən narahat olmağa başlayıb”
 
 
 
 Digər xəbərlər

Çox oxunan
Dostlarınızdan tövsiyə



Tarixi məqamlar
 
Aktiv sorğu yoxdur.

« Okt.2017
Be.Ça.Çə.Ca.Cü.Şə.Ba.
      1
2345678
9101112131415
16171819202122
23242526272829
3031     

Gecə: +12.. +14dəyişkən buludlu yağmursuz
Səhər: +16.. +18buludlu yağmursuz
Gündüz: +17.. +19dəyişkən buludlu yağmursuz
Axşam: +15.. +17buludlu yağmursuz
Atm. təziyi: 763 ìì
Rütübət: 71 %


free counters

© 2017 www.atxem.az
Powered by Danneo