Axtarış: 
"Qafqaz İslam Ordusu-96"
+  -  Çap 
Yerləşdirilib: 16.09.14 | Baxılıb: 805
VKontakte Moy Mir Facebook Livejournal.com Twitter


Sentyabrın 15-də Beynəlxalq Mətbuat Mərkəzində Azərbaycanlıların və digər Türkdilli Xalqların Əməkdaşlıq Mərkəzi (ATXƏM), Aşıq Şəmşir Mədəniyyət Ocağı, İstanbul Türkiyə Azərbaycan Evinin təşkilatçılığı Azərbaycan Mətbuat Şurası və Milli QHT Forumunun dəstəyilə Bakının erməni-bolşevik birləşmələrindən azad olunmasının 96-cı ilinə həsr olunmuş "Qafqaz İslam Ordusu - 96" mövzusundə tədbir keçirilib.

Tədbirə Türkiyədən ölkəmizdə səfərdə olan böyük nümayəndə heyəti də qatılıb. Əvvəla tədbir iştirakçıları Azərbaycan və Türkiyənin ərazi bütövlüyü uğrunda döyüşən şəhidlərimizin ruhunu yad edib. Tədbiri giriş sözü ilə açan Dünya Gənc Türk Yazarlar Birliyinin sədri Əkbər Qoşalı 15 sentyabr tarixinin Azərbaycanın həyatında önəmli gün olduğunu söyləyib. Hər il 15 sentyabr tarixinin müxtəlif səviyyələrdə qeyd edildiyini deyən Əkbər Qoşalı xüsusilə ATXƏM-in bu şanlı tarixi geniş miqyasda, bayram əhval-ruhiyyəsində qeyd etdiyini diqqətə çatdırıb.

Azərbaycanlıların və digər Türkdilli Xalqların Əməkdaşlıq Mərkəzinin sədri İlham İsmayılov rəhbərlik etdiyi təşkilatın ənənəvi olaraq Bakının işğaldan azad edilməsinin ildönümünü qeyd etdiyini vurğulayıb və bu tarixi hər il bayram kimi qeyd etməyin ATXƏM-in gündəliyinə daxil olduğunu söyləyib. ATXƏM sədri Qafqaz İslam Ordusu və Nuru Paşanın xidmətlərinin hələ də öz layiqli yerini almadığını vurğulayıb və əmin olduğunu bildirib ki, yaxınlarda Azərbaycan xalqı Nuru Paşaya olan mənəvi borcunu ödəyərək onun adını əbədiləşdirəcək. İlham İsmayılov bu istiqamətdə ictimai təşkilatların fəal olmasını arzulayıb. Azərbaycan-Türkiyə dostluq-qardaşlığına toxunan ATXƏM sədri qeyd edib ki, iki ölkə arasındakı münasibətlər hər zaman dünyaya örnək olub. İctimai Birlik sədri bildirib ki, XXI əsr türk əsridir deyənlər zamanında bunun konturlarını müəyyən ediblər və bu gün biz mərhələ-mərhələ ona doğru irəliləyirik.

İlham İsmayılovun sözlərinə görə, buna görə də Qafqaz İslam Ordusunun keçdiyi şərəfli döyüş yolunun mahiyyətinin insanlara çatdırılması istiqamətində çalışılır: “Xüsusilə, gənclərin bunu bilməsi çox vacibdir, önəmlidir. Təşkilat olaraq işimiz ondan ibarətdir ki, tarixi həqiqətləri üzə çıxaraq. Tarixi həqiqətlərin gənclərə çatdırılması və gənc nəslin bütün bunlarla məlumatlandırılması olduqca əhəmiyyətlidir. Çünki öz tarixini bilməyən gənclikdən heç nə gözləıməyə dəyməz”.

ATXƏM sədri deyib ki, qloballaşan dünyada türk birliyinin reallaşması arzuedilən və vacibdir: “Eyni kökdən qaynaqlanan, eyni dildə danışıb eyni mədəniyyətə malik bir millətin birləşmək haqqı var. Bu birlik bir çox çətinliklərin öhdəsindən gəlməyə kömək edəcək bir birlik olmalıdır”.

İstanbul Türkiyə-Azərbaycan Dərnəyinin sədri Səfər Karakoyunlu da çıxışında iki ölkə arasında mövcud olan dostluq, qardaşlıq əlaqələrindən danışıb. Türkiyənin çətin anlarında Azərbaycana, Azərbaycanın isə bu kimi vəziyyətlərdə Türkiyəyə kömək etdiyini deyən İSTAD sədri Azərbaycanın hər ötən gün inkişaf etdiyini və Qafqazın parlayan ulduzuna çevrildiyini vurğulayıb. Azərbaycan və Türkiyənin QHT-ləri arasinda əməkdaşlığın bir qədər də inkişaf etdirilməsinin vacibliyini qeyd edən Səfər Karakoyunlu ATXƏM-lə həyata keçirdikləri layihələr, tədbirlər barədə də danışıb.

Səfər Karakoyunlu Qafqaz İslam Ordusunun komandanı, eyni zamanda Türkiyə və Azərbaycanın milli qəhrəmanı Nuru Paşanın Bakıda və Gəncədə abidəsinin ucaldılmasını da arzu etdiklərini bildirib. İSTAD sədri həmçinin təklif edib ki, həm Bakı, həm də Gəncədə uyğun olan mərkəzi küçələrdən birinə Nuru Paşanın adı verilsin: “Bununla yanaşı biz təklif edirik ki, Türkiyə və Azərbaycan arasında mövcud olan qardaşlıq, dostluq əlaqələrinin daha da qüvvətli olması üçün müxtəlif sahələrdə qarşılıqlı səfərlər təşkil edilsin”.

Azərbaycan Mətbuat Şurasının sədri Əflatun Amaşov
da 15 sentaybr tarixinin əhəmiyyətindən danışıb və bu günü bayram kimin xarakterizə edib. O, da Azərbaycan və Türkiyənin çətin günlərdə bir-birinə yardım etdiyini deyib və qarşılıqlı münasibətlərin, əlaqələrin hər ötən gün daha da inkişaf etdiyini söyləyib. MŞ sədri bildirib ki, Çanaqaala savaşında müttəfiq qüvvələr Osmanlını məğlub etsəydi bu günkü Türkiyənin sərhədləri tamam başqa olardı və qardaş ölkə imperialist güclər arasında bölünərdi: ”Eyni ilə bunu 1918-ci il hadisələrinə aid etmək olar. Əgər o zaman Qafqaz İslam Ordusu Azərbaycana gəlib Bakını işğaldan azad etməsəydi və bolşevik-daşnaq birləşmələri məhv edilməsəydi bu günkü müstəqil Azərbaycanın varlığı, onun suverenliyi şübhə altında olardı. Nəticə etibarilə Azərbaycan da bolşevik və daşnaqlar tərəfindən parçalanıb nəzarətə götürüləcəkdi”.

Daha sonra çıxış edən natiqlər də 15 sentyabr tarixinin əhəmiyyəti, Türkiyə-Azərbaycan dostluq və qardaşlığından bəhs ediblər. Sonda İSTAD sədri Səfər Karakoyunlu ATXƏM sədri İlham İsmayılov və ATXƏM-in icra katibi, “Birlik” jurnalının baş redaktoru İlqar İlkinə iki ölkə arasındakı münasibətlərin inkişaf etdirilməsindəki xidmətlərinə görə, rəhbərlik etdiyi qurumun plaketini təqdim edib.

VIDEO
Cənubi Koreyada
 
“Qafqaz İslam Ordusu və Bakının qurtuluşu” mövzusunda konfrans keçirilib
 
İstanbul Türkiyə-Azərbaycan Dərnəyinin nümayəndə heyəti ATXƏM Ictimai Birliyinin qonağı oldular
 
“Bakıda Nuru Paşaya abidə qoyulmasını ölkə başçısından xahiş etmişik”
 
ATXƏM Salyanda Ramazan bayramı münasibətilə tədbir keçirdi
 
ƏFLATUN AMAŞOV-60
 
Azərbaycanın Milli Qəhramanı Murad Mirzəyevə həsr olunmuş film təqdim olundu
 
Belçikadakı Türk qeyri-hökumət təşkilatları XOCALI Soyqırımını qınayaraq, dəstək verdilər
 
 Digər xəbərlər

Axtarış
 


Nəriman Əbdülrəhmanlı “İlqar İlkin: Yaşından böyük adam”

Cəmi üç ay əvvəl İlqar İlkinin 45 yaşı tamam oldu...

Türk Dünyası Bələdiyyələr Birliyi türk dünyasına nələr vəd edir?

Sovet rejiminin dağılması nəticəsində 5 Türk dövləti (Azərbaycan, Qazaxstan, Türkmənistan, Özbəkstan və Qırğızstan) müstəqilliyini elan edib müstəqil dövlətlərin sırasında yerini almış oldu.

Hazara Türkleri'nin Geçmişi ve Bugünü

Prof. Dr. Mehmet Toplu

Hoca Ahmet Yesevi Uluslararası Türk Kazak Üniversitesi; Doç. Dr. Gazi Üniversitesi İletişim Fakültesi


Hazara Türkleri'nin çoğunluğunun yaşadığı ülke olan Afganistan İslam Cumhuriyeti, Orta Asya’da yer alan ve denizi kıyısı olmayan bir ülkedir. Doğu ve güneyde Pakistan batıda İran, Kuzeyde Türkmenistan, Özbekistan ve Tacikistan, doğuda da ufak bir sınırla Çin ile komşudur. Toplam 652.864 km² lik coğrafi alana sahip olan ülkede, 2014 nüfus verilerine göre 31,822,848 kişi yaşamaktadır. Ülkede yaşayan her 1000 kişiden 23,06'sı mülteci statüsündedir. (Afganistan, 2016). Halkın %99'u Müslüman'dır. Bunların %80'i Sünni ve %19'u Şii'dir. %1'i ise diğer dinlere mensuptur.
 Digər xəbərlər
 Ayhan Dəmirçi: “Avropa Azərbaycan məsələsindən narahat olmağa başlayıb”
 
 
 
 Digər xəbərlər

Çox oxunan
Dostlarınızdan tövsiyə



Tarixi məqamlar
 
Aktiv sorğu yoxdur.

« Okt.2017
Be.Ça.Çə.Ca.Cü.Şə.Ba.
      1
2345678
9101112131415
16171819202122
23242526272829
3031     

Gecə: +13.. +15dəyişkən buludlu yağmursuz
Səhər: +16.. +18dəyişkən buludlu yağmursuz
Gündüz: +15.. +17aydn yağmursuz
Axşam: +12.. +14dəyişkən buludlu yağmursuz
Atm. təziyi: 763 ìì
Rütübət: 78 %


free counters

© 2017 www.atxem.az
Powered by Danneo