Axtarış: 
Türk araşdırmaçı-yazarın kitabı təqdim olundu
+  -  Çap 
Yerləşdirilib: 13.05.15 | Baxılıb: 2015
VKontakte Moy Mir Facebook Livejournal.com Twitter


Azərbaycan Mətbuat Şurasında Türkiyəli araşdırmaçı-yazar Selman Akın "Hasret mektubları" kitabının təqdimatı keçirilib. Kitabda 1918-ci ildə Azərbaycanın xilasına gəlmiş Qafqaz İslam Ordusunun keçdiyi ağır yol, göstərdiyi şücaət sənədlərlə təqdim olunub.

Azərbaycan Mətbuat Şurasının sədri Əflatun Amaşov tədbiri açaraq bildirib ki, bu kitab real həyat hekayələrindən ibarət olduğundan o dövrün gerçəkliklərini göstərmək baxımından olduqca əhəmiyyətlidir: "Kitab Qafqaz İslam Ordusunun tərkibində Azərbaycana gəlmiş və müharibədən sonra taleyinə qürbətdə ömür sürmək yazılmış bir türk əsgərinin xatirələrini canlandırır. Bu xatirələr əsasında biz o dövrün gerçəkliklərini daha yaxından izləyə bilirik. Əslində kitabdakı hekayələr bu bir nəfər əsgərin həyatını anlatsada, biz bu döyüşçünün çəkdiyi acıların timsalında həm də xalqımızın üzləşdiyi o ağır tarixi dövrləri yaxından izləyə bilirik.Kitab bu baxımdan o dövrün araşdırmaçıları üçün də olduqca əvəzsiz bir tarixi mənbə rolunu oynayır".

Azərbaycanlıların və Digər Türk Xalqların Əməkdaşlıq Mərkəzinin (ATXƏM) sədri, Mətbuat Şurasının İdarə Heyətinin üzvü İlham İsmayılov çıxışında bildirib ki, 1918-ci ildə Nuru Paşanın komandanlığı altında Azərbaycana gələn Qafqaz İslam Ordusunun tarixi missiyasını, əvəzsiz xidmətlərini anladan bilgilər olsa da, bu tarixi gerçəkliklər geniş ictimayyətə hələ tam olaraq çatdırılmayıb: "Doğrudur, bir çox araşdırmaçılar o dövrün reallıqlarını konkret faktlarla göstərən araşdırmalar aparıblar. Selman Akın "Hasret mektubları" da bunlardan biri, eyni zamanda həmin dövrün reallıqlarına işıq tutan əsərdir. Bu cür əsərlərin yazılması, araşdırmaların aparılması Azərbaycan-Türkiyə münasibətlərinin daha inkişaf etdirilməsində, ortaq türk tarixinin öyrənilməsində də əvəzsiz rola malikdir".

Azərbaycan Mətbuat Şurasının sədrinin müavini, Beynəlxalq Avrasiya Mətbuat Fondunun sədri Umud Rəhimoğlu, MŞ İdarə Heyətinin üzvü, Azərbaycan Respublikası Milli Məclisinin deputatı Cavanşir Feyziyev, MŞ-nın icraçı katibi Rəhim Hüseynzadə çıxışlarında əsərin oxucular üçün layiqli bir töhfə olduğunu vurğulayıblar.

Araşdırmaçı-yazar Selman Akın "Hasret məktubları"na göstərilmiş diqqət üçün Mətbuat Şurasına təşəkkürünü bildirib: "Bu kitabı yazmaq üçün uzun illərdir ki, Azərbaycan və Türkiyədə araşdırmalar aparmışam. Sizin mənə verdiyiniz bu dəstək, göstərmiş olduğunuz etimad məndə əminlik yaradır ki, mən bu araşdırmalarımı aparmaqda davam etməliyəm. O dövrün hələ işıq üzü görməyən, tarixdə gizli qalan çoxlu sənədlər mövcuddur. Bundan sonrakı fəaliyyətimdə onla üzərində araşdırmalarımı davam etdirəcəyəm".

Tədbirin sonunda Azərbaycan Mətbuat Şurası və ATXƏM adından araşdırmaçı yazara Azərbaycan-Türkiyə münasibətlərinin inkişafında göstərmiş olduğu xidmətlərə və "Hasret mektubları" kitabına görə diplom təqdim olunub.

VIDEO
Axmaq köpək qaysavadan pay umar. - 17.07.2024
 
And yerimiz,xiyabanımız. - 16.07.2024
 
Xeyirxah tənha qalmaz... - 15.07.2024
 
 El bir olsa,zərbi kərən sındırar. Atalar sözü. - 14.07.2024
 
 
Yuxularımın şəhəri. - 12.07.2024
 
40-cı qap - 11.04.2024
 
Ümidlər doğrulur - 09.07.2024
 
 Digər xəbərlər

Axtarış


Rüstəm Behrudinin təlaşı

Uşaq yaddaşımda qalan təlaş, qorxu və səksəkə bəlkə də məni ayaqda tutan bir səbəb olub. Qaraçöpün yaylalara götürdüyü ağ sürüləri daima təhdid altında olurdu; Ənsəndə hər zaman bir qurdun hənirtisini duyurdun sanki.

Nəriman Əbdülrəhmanlı “İlqar İlkin: Yaşından böyük adam”

Cəmi üç ay əvvəl İlqar İlkinin 45 yaşı tamam oldu...

Türk Dünyası Bələdiyyələr Birliyi türk dünyasına nələr vəd edir?

Sovet rejiminin dağılması nəticəsində 5 Türk dövləti (Azərbaycan, Qazaxstan, Türkmənistan, Özbəkstan və Qırğızstan) müstəqilliyini elan edib müstəqil dövlətlərin sırasında yerini almış oldu.
 Digər xəbərlər
 Ayhan Dəmirçi: “Avropa Azərbaycan məsələsindən narahat olmağa başlayıb”
 
 
Azərbaycanda Ümumdünya Meteorologiya Günü qeyd olunacaq
 
 Digər xəbərlər

Çox oxunan
Dostlarınızdan tövsiyə



Tarixi məqamlar
 
Aktiv sorğu yoxdur.

İyul.2024
Be.Ça.Çə.Ca.Cü.Şə.Ba.
1234567
891011121314
15161718192021
22232425262728
293031    

Axşam: +27.. +29dəyişkən buludlu yağmursuz
Gecə: +25.. +27buludlu yağmursuz
Səhər: +29.. +31buludlu yağmursuz
Gündüz: +31.. +33buludlu yağmursuz
Atm. təziyi: 755
Rütübət: 53 %


free counters

2024 www.atxem.az
Powered by Danneo