Axtarış: 
Qubada V Azərbaycan-Türkiyə Akademik Tibb və Tarix konfransı keçirildi
+  -  Çap 
Yerləşdirilib: 20.12.15 | Baxılıb: 971
VKontakte Moy Mir Facebook Livejournal.com Twitter


Azərbaycanlıların və digər Türk Xalqların Əməkdaşlıq Mərkəzi (ATXƏM) və Türkiyə Gastreonteroloji Vakfının (TGV) birgə təşkilatçılığı, Quba rayon İcra Hakimiyyəti, Azərbaycan Mətbuat Şurası və Milli QHT Forumunun dəstəyi ilə dekabrın 18-19-da Quba rayonunda "V Azərbaycan-Türkiyə Beynəlxalq Akademik Tibb və Tarix Konfransı" keçirilib.

Konfransdan əvvəl Quba rayon İcra Hakimiyyətinin başçısı Yaşar Məmmədov Türkiyəli qonaqlarla görüşüb, bu cür tədbirlərin regionlarda keçirilməsinin əhəmiyyətindən danışıb. Qonaqlara Azərbaycanda tibb sahəsinin inkişafı istiqamətində aparılan işlər, yeni tikilən və əsaslı təmir olunan tibb müəssisələri barədə ətraflı məlumat verilib. Çıxış edənlər iki qardaş ölkə həkimlərinin birgə əməkdaşlığının əhəmiyyətindən danışıblar.

Sonra Qubadakı Heydər Əliyev Mərkəzində keçirilən konfransa Türkiyədən gəlmiş 40-a yaxın alim və həkimlərlə yanaşı, Quba, Qusar, Xaçmaz, Şabran, Siyəzən, Xızı rayonlarından olan həkimlər də qatılıb.

Konfransın açılışında iştirak edən Quba rayon İcra Hakimiyyəti başçısının birinci müavini Yusif Abidov, ATXƏM-in sədri İlham İsmayılov, TİKA-nın Azərbaycandakı proqram koordinatoru Mustafa Haşim Polat, TGV başkanı prof.dr. Ali Özden və Milli QHT Forumunun prezidenti Rauf Zeyni tədbirin əhəmiyyətindən danışaraq, iki ölkə həkimləri arasında bu cür təcrübə mübadiləsinin vacibliyini vurğuladılar.

Daha sonra Konfrans zamanı Quba, Qusar, Xaçmaz, Siyəzən, Şabran, Xızı rayonlarından olan tibb işçiləri Türkiyənin Ankara, İstanbul, İzmir və başqa şəhərlərindən gələn alim-uzman həkimlərlə gastreonteloji, ağciyər, böyrək xəstəlikləri və digər məsələlərlə bağlı fikir mübadiləsi aparıblar. Konfrans çərçivəsində iştirakçılar şimal bölgəsinin bir sıra xəstəxana və tibb müəssisələrində olub, burada çalışan həkimlərlə təcrübə mübadiləsi aparıblar.

"V Azərbaycan-Türkiyə Beynəlxalq Akademik Tibb və Tarix Konfransı"nın Azərbaycanın şimal bölgəsində keçirilməsi region həkimlərinin gastreonteloji, ağciyər, böyrək xəstəlikləri və s. məsələlərlə bağlı Türkiyənin Ankara, İstanbul, İzmir və s. şəhərlərindən gəlmiş alim-uzman həkimlərlə təcrübə mübadiləsi aparmaları üçün şans yaratmaqla bərabər, gələn nüfuzlu qonaqların Respublikamızın inkişafı, bölgələrdə aparılan abadlıq-quruculuq işləri, Qubada aşkarlanmış kütləvi soyqırım məzarlığının tanıdılması baxımından da əhəmiyyətli olmuşdur.

Belə ki, konfrans iştirakçıları Quba Soyqırımı Memorial Kompleksini və ərazidəki kütləvi məzarlığı da ziyarət ediblər. Onlara ermənilərin ötən əsrin əvvəllərində törətdikləri soyqırımı haqqında ətraflı məlumat verilib.

Diqqətə çatdırılıb ki, Qubadakı kütləvi məzarlıq 2007-ci il aprelin 1-də ərazidə torpaq işləri görülərkən aşkar edilib. Azərbaycan Milli Elmlər Akademiyasının Arxeologiya və Etnoqrafiya İnstitutunun əməkdaşları kütləvi məzarlıqda geniş tədqiqat işləri aparıblar. Tədqiqatlar zamanı müəyyən olunub ki, məzarlıqda erməni cəlladlarının 1918-ci ildə yerli dinc əhaliyə qarşı törətdikləri soyqırımının qurbanları basdırılıb.


Konfrans iştirakçılarına məlumat verilib ki, Heydər Əliyev Fondunun dəstəyi ilə yaradılan Quba Soyqırımı Memorial Kompleksinin açılışı 2013-cü il sentyabrın 18-də olub. Kompleksdə XX əsrin əvvəllərində Quba şəhərinin müxtəlif ərazilərinin görüntüləri, habelə o zaman burada aparılan tikinti-quruculuq işləri, əhalinin həyat tərzi haqqında fotolar nümayiş etdirilir. Kompleksdə quraşdırılmış sensor ekranlı monitordakı xüsusi xəritədə ötən əsrdə respublikamızın müxtəlif bölgələrində ermənilərin xalqımıza qarşı törətdiyi soyqırımı aktları barədə bir neçə dildə məlumat yer alıb.

Konfransın ikinci oturumu Türk dünyası üçün vacib olan tarixi hadisələrə həsr olunub. Prof.dr. Güllü Yoloğlu "Türk dilinin dünəni, bu günü və sabahı", Tarixçı Elxan Məmmədov isə "Quba soyqırımı - 1918" mövzusunda məruzə ilə çıxış ediblər.

Qeyd edək ki, ATXƏM-lə TGV daha öncə 2008-ci ildə Gəncə və Bakı şəhərlərində, 2010-cu ildə Naxçıvanda, 2014-cü ildə isə Qarabağ bölgəsində Azərbaycan-Türkiyə Akademik Tibb və Tarix mövzusunda beynəlxalq konfrans həyata keçirmişdir.

ATXƏM-in Mətbuat xidməti

VIDEO
Türklük Günü Salyanda qeyd olundu
 
“3 may Türkçülük günü” ilə bağlı mədəni-kütləvi tədbir keçirəcək
 
Azərbaycanın yeni Avropa siyasəti – 3 mühüm yol
 
ATXƏM AR Diasporla İş üzrə Dövlət Komitəsinin sədri Fuad Muradovu təbrik edir
 
 Salyanın Xələc kəndində seçicilərlə görüş keçirilib
 
“Bölgələrimizdə yaşayan insanlar seçkidə yüksək fəallıq nümayiş etdirəcəklər”
 
Salyan rayonu Qaraçala qəsəbəsində və Qarabağlı kəndində seçicilərlə görüşlər keçirilib
 
ATXƏM sədri seçkiqabağı təbliğat-təşviqat kampaniyasında
 
 Digər xəbərlər

Axtarış
 


Nəriman Əbdülrəhmanlı “İlqar İlkin: Yaşından böyük adam”

Cəmi üç ay əvvəl İlqar İlkinin 45 yaşı tamam oldu...

Türk Dünyası Bələdiyyələr Birliyi türk dünyasına nələr vəd edir?

Sovet rejiminin dağılması nəticəsində 5 Türk dövləti (Azərbaycan, Qazaxstan, Türkmənistan, Özbəkstan və Qırğızstan) müstəqilliyini elan edib müstəqil dövlətlərin sırasında yerini almış oldu.

Hazara Türkleri'nin Geçmişi ve Bugünü

Prof. Dr. Mehmet Toplu

Hoca Ahmet Yesevi Uluslararası Türk Kazak Üniversitesi; Doç. Dr. Gazi Üniversitesi İletişim Fakültesi


Hazara Türkleri'nin çoğunluğunun yaşadığı ülke olan Afganistan İslam Cumhuriyeti, Orta Asya’da yer alan ve denizi kıyısı olmayan bir ülkedir. Doğu ve güneyde Pakistan batıda İran, Kuzeyde Türkmenistan, Özbekistan ve Tacikistan, doğuda da ufak bir sınırla Çin ile komşudur. Toplam 652.864 km² lik coğrafi alana sahip olan ülkede, 2014 nüfus verilerine göre 31,822,848 kişi yaşamaktadır. Ülkede yaşayan her 1000 kişiden 23,06'sı mülteci statüsündedir. (Afganistan, 2016). Halkın %99'u Müslüman'dır. Bunların %80'i Sünni ve %19'u Şii'dir. %1'i ise diğer dinlere mensuptur.
 Digər xəbərlər
 Ayhan Dəmirçi: “Avropa Azərbaycan məsələsindən narahat olmağa başlayıb”
 
 
 
 Digər xəbərlər

Çox oxunan
Dostlarınızdan tövsiyə



Tarixi məqamlar
 
Aktiv sorğu yoxdur.

« May.2018
Be.Ça.Çə.Ca.Cü.Şə.Ba.
 123456
78910111213
14151617181920
21222324252627
28293031   

Gecə: +15.. +17aydn yağmursuz
Səhər: +17.. +19buludlu yağmursuz
Gündüz: +17.. +19aydn yağmursuz
Axşam: +14.. +16aydn yağmursuz
Atm. təziyi: 767 ìì
Rütübət: 41 %


free counters

© 2018 www.atxem.az
Powered by Danneo