Axtarış: 
Cəbhə bölgəsində yaşayan əhaliyə Prezident qayğısı
+  -  Çap 
Yerləşdirilib: 04.05.16 | Baxılıb: 1778
VKontakte Moy Mir Facebook Livejournal.com Twitter


İlham İsmayılov: “Dövlət başçısının cəbhə xəttinə səfəri eyni zamanda Silahlı Qüvvələrimizdə döyüş əzmini, ruh yüksəkliyini bir qədər də artırmış oldu”

Aprelin ilk günlərində təmas xəttində baş verən erməni təxribatına qarşı Silahlı Qüvvələrimizin verdiyi layiqli cavab və əldə edilən uğurlar Azərbaycan xalqı arasında böyük ruh yüksəkliyi yaratdı. 4 günlük hərbi əməliyyatlardan sonra döyüşlərdə qəhrəmanlıq göstərmiş əsgər və zabitlərimizin dövlət tərəfindən təltif edilməsi, şəhid olmuş Vətən oğullarımızın adının əbədiləşdirilməsi istiqamətində atılan addımlar cəmiyyətdə mövcud olan döyüş əhval-ruhiyyəsini daha da artırdı. Son günlər müşahidə edilən hadisələr, Azərbaycan Respublikasının Prezidenti, Ali Baş Komandan İlham Əliyevin cəbhə xəttində yerləşən rayonlara səfər etməsi bu prosesləri bir qədər də sürətləndirmiş oldu. Məlumat üçün bildirək ki, mayın 1-də Azərbaycan Respublikasının Prezidenti, Silahlı Qüvvələrin Ali Baş Komandanı İlham Əliyev və xanımı Mehriban Əliyeva Bərdə, Tərtər və Ağdam rayonlarına səfər edərək düşmənlə döyüşlərdə qəhrəmanlıq göstərmiş əsgər və zabitlərlə görüşüb, hərbi hissələrdə olub, yaralı əsgərlərə baş çəkiblər. Həmçinin Prezident və xanımı erməni təxribatı nəticəsində evləri dağıdılmış sakinlərlə görüşüşb, onların problemləri ilə maraqlanıb. Ən diqqət çəkən məqam isə ondan ibarətdir ki, Prezident və xanımının yerli sakinlərlə görüşü düşmənlə 200 metr məsafədə baş verib. Yəni dövlət başçısı heç bir təhlükədən çəkinməyərək ən ağır vəziyyətdə belə vətəndaşla bir yerdə olduğunu bir daha təsdiqləyib.

Azərbaycan Respublikasının Prezidenti, Silahlı Qüvvələrin Ali Baş Komandanı İlham Əliyev və xanımı Mehriban Əliyevanın cəbhəyanı rayonlara səfər etməsi, əsgər və zabitlərlə, yerli sakinlərlə görüşməsi cəmiyyətin hər bir üzvü tərəfindən müsbət qarşılanıb, təqdir edilib. İstər siyasilər, istər vətəndaş cəmiyyəti nümayəndələri, istərsə də sadə vətəndaşlar Prezidentin bu addımını dövlətin, dövlət başçısının vətəndaşa, Silahlı Qüvvələrə böyük dəstəyi kimi dəyərləndiriblər. Elə Azərbaycanlıların və digər Türkdilli Xalqların Əməkdaşlıq Mərkəzinin (ATXƏM) sədri İlham İsmayılov da bu qənaətdədir. O, bildirib ki, Prezident İlham Əliyev və xanımı Mehriban Əliyevanın cəbhə xəttinə səfəri hər şeydən əvvəl dövlət başçısının cəbhə bölgəsində yaşayan əhaliyə olan qayğısının göstəricisidir: “Bu cəbhə bölgəsində yaşayan əhaliyə Prezident qayğısıdır. Səfər çərçivəsində dövlət başçısı və xanımının erməni təxribatı nəticəsində zərər görmüş yerli sakinlərlə görüşü, onların erməni vandalları tərəfindən dağıdılmış mənzillərinə baxış keçirməsi, hər bir sakinlə fərdi qaydada söhbətləşməsi bu diqqət və qayğının göstəricisidir. Onu da qeyd etmək yerinə düşər ki, dövlət başçısının cəbhə bölgəsində yaşayan sakinlərə diqqət və qayğısı təkcə görüşlə kifayətlənmədi. Məlum olduğu kimi Prezident oradakı vəziyətlə yaxından tanış olduqdan sonra dövlət başçısı erməni silahlı qüvvələrinin Ağdam və Tərtər rayonlarını intensiv atəşə tutması nəticəsində mülki əhaliyə dəymiş ziyanın aradan qaldırılması ilə bağlı tədbirlər haqqında Sərəncam imzaladı. Sərəncama əsasən erməni silahlı qüvvələrinin Ağdam və Tərtər rayonlarını intensiv atəşə tutması nəticəsində mülki əhaliyə dəymiş ziyanın aradan qaldırılması üçün Azərbaycan Respublikasının 2016-cı il dövlət büdcəsində nəzərdə tutulmuş Azərbaycan Respublikası Prezidentinin ehtiyat fondundan Ağdam və Tərtər Rayon İcra Hakimiyyətlərinin hər birinə 3,0 (üç) milyon manat olmaqla cəmi 6,0 (altı) milyon manat ayrıldi. Bu da öz-özlüyündə Prezidentin cəbhə bölgəsində yaşayan sakinlərə qayğısının əyani sübutudur”. ATXƏM sədri deyib ki, təkcə son hadisələr deyil, ondan əvvəl də Prezident İlham Əliyev dəfələrlə cəbhə bölgəsinə səfər edərək yerli sakinlərlə görüşüb, onların problemləri ilə maraqlanıb: “Ancaq bu dəfəki səfər xüsusi əhəmiyyətə malik idi. Birincisi, dövlət başçısı bununla bir daha harada yaşamasından asılı olmayaraq hər bir vətəndaşın Prezidenti olduğunu, hərbi vətəndaşın probleminə həssas yanaşdığını bir daha təsdiqlədi. İkincisi, cəbhə xəttinda yaşayan vətəndaşlarımızda bir daha arxayınlıq, əminlik yarandı ki, dövlət və dövlət başçısı onların arxasındadır. Prezidentin cəbhə xəttinə səfəri eyni zamanda Silahlı Qüvvələrimizdə döyüş əzmini, ruh yüksəkliyini bir qədər də artırmış oldu. Düşmənlə üz-üzə dayanan əsgər və zabitin səngərdə, postda Ali Baş Komandanla bir yerdə olması ona bir dəstək, dayaqdır. Bu dəstək, dayağı yaxından hiss edən, onun əyani şahidi olan Azərbaycan hərbiçisi bundan sonra daha böyük qələbələr əldə etmək əzmindədir”. İlham İsmayılov deyir ki, Prezident İlham Əliyevin düşmənlə 200 metr məsafəyə qədər getməsi Ali Baş Komandanın cəsarət, şücaət nümayişidir: “Heç şübhəsiz ki, bu amil özü də həm Silahlı Qüvvələrimizin əsgər və zabit heyəti, həm də cəbhə xəttində yaşayan sakinləri qürurlandıran, onlarda ruh yüksəkliyi yaradan bir məqamdır”. ATXƏM sədri əmin olduğunu bildirib ki, ön cəbhədə Ali Baş Komandan, dövlət başçısını yanında görən Azərbaycan Silahlı Qüvvələri bundan sonra daha da əzmkar olacaq, erməni təxribatlarına layiqli cavab verərək torpaqlarını işğaldan azad edəcək.


Süleyman İsmayılbəyli


"Olaylar", 04.05.2016

VIDEO
 
 
 
 
İctimai nəzarət saatında ATXƏM İB sədri İlham İsmayılov və Ləman Ələşrəfqızı LAFTV-də ilə müzakirə
 
Haaqada
 
Azərbaycan nümayəndə heyəti Haaqada Xocalı abidəsini ziyarət etdi  - 21.10.2023
 
“Qondarma rejimin rəhbər şəxslərinin həbs olunub Bakıya gətirilməsi böyük məna daşıyır” - 29 sentyabr 2023
 
 Digər xəbərlər

Axtarış


Rüstəm Behrudinin təlaşı

Uşaq yaddaşımda qalan təlaş, qorxu və səksəkə bəlkə də məni ayaqda tutan bir səbəb olub. Qaraçöpün yaylalara götürdüyü ağ sürüləri daima təhdid altında olurdu; Ənsəndə hər zaman bir qurdun hənirtisini duyurdun sanki.

Nəriman Əbdülrəhmanlı “İlqar İlkin: Yaşından böyük adam”

Cəmi üç ay əvvəl İlqar İlkinin 45 yaşı tamam oldu...

Türk Dünyası Bələdiyyələr Birliyi türk dünyasına nələr vəd edir?

Sovet rejiminin dağılması nəticəsində 5 Türk dövləti (Azərbaycan, Qazaxstan, Türkmənistan, Özbəkstan və Qırğızstan) müstəqilliyini elan edib müstəqil dövlətlərin sırasında yerini almış oldu.
 Digər xəbərlər
 Ayhan Dəmirçi: “Avropa Azərbaycan məsələsindən narahat olmağa başlayıb”
 
 
Azərbaycanda Ümumdünya Meteorologiya Günü qeyd olunacaq
 
 Digər xəbərlər

Çox oxunan
Dostlarınızdan tövsiyə



Tarixi məqamlar
 
Aktiv sorğu yoxdur.

Mar.2024
Be.Ça.Çə.Ca.Cü.Şə.Ba.
    123
45678910
11121314151617
18192021222324
25262728293031

Gecə: +7.. +9aydn yağmursuz
Səhər: +13.. +15aydn yağmursuz
Gündüz: +14.. +16aydn yağmursuz
Axşam: +9.. +11aydn yağmursuz
Atm. təziyi: 763
Rütübət: 56 %


free counters

2024 www.atxem.az
Powered by Danneo