+  -  Çap 

Prezident Administrasiyasının ictimai-siyasi məsələlər üzrə şöbəsinin sektor müdiri Qafar Əliyev və Azərbaycanlıların və digər Türkdilli Xalqların Əməkdaşlıq Mərkəzinin (ATXƏM) sədri İlham İsmayılov Qırğızıstanın Azərbaycandakı səfirliyində olublar.

PA ictimai-siyasi məsələlər üzrə şöbəsinin sektor müdiri Qafar Əliyev və ATXƏM sədri İlham İsmayılov Qırğızıstanın ölkəmizdəki fövqəladə və səlahiyyətli səfiri Aycigit Buranovla görüşüb, Qırğızıstanda baş verən hadisələrdən məyus olduqlarını ifadə ediblər. Qafar Əliyev və İlham İsmayılov səfirlə söhbət zamanı Azərbaycanın da uzun illər erməni terrorundan əziyyət çəkdiyini diqqətə çatdırıblar.
Sonda PA ictimai-siyasi məsələlər üzrə şöbəsinin sektor müdiri Qafar Əliyev və ATXƏM sədri İlham İsmayılov terror aktı ilə bağlı diplomata başsağlığı veriblər, səfirlikdə qoyulmuş xatirə kitabına terroru lənətləyən, onu pisləyən fikirlərini qeyd ediblər və çay süfrəsi arxasında müzakirələr aparıblar.

31 Avqust 2016