Axtarış: 
Parisdə azərbaycanlı girovlara həsr edilmiş konfrans keçirilib
+  -  Çap 
Yerləşdirilib: 18.12.17 | Baxılıb: 209
VKontakte Moy Mir Facebook Livejournal.com Twitter


Avropa Şurasına üzv dövlətin quruma üzv olan digər dövlətin torpaqlarını işğal etməsi qəbuledilməzdir.

AZƏRTAC xəbər verir ki, bu fikir Parisdə fəaliyyət göstərən “Ulduz” Assosiasiyasının təşkilatçılığı, “Hilal” İctimai Birliyi və Azərbaycanlıların və digər Türkdilli Xalqların Əməkdaşlıq Mərkəzinin (ATXƏM) dəstəyi ilə Fransa paytaxtındakı “Balzak” kinoteatrında Beynəlxalq İnsan Hüquqları Günü münasibətilə təşkil olunmuş “XXI əsrdə qaçqın və girov məsələsi : Azərbaycan nümunəsində” adlı konfransda söylənilib.

Ermənistan silahlı qüvvələri tərəfindən girov götürülmüş Dilqəm Əsgərov və Şahbaz Quliyevə həsr edilmiş konfransı açan vəkil Alen Tremolyer Dağlıq Qarabağ münaqişəsinə, onun nəticələrinə, Azərbaycanın ərazi bütövlüyünə diqqəti çəkib, cəbhə xəttində erməni silahlı qüvvələri tərəfindən qətlə yetirilən mülki şəxslərdən, öz doğma torpaqlarında girov götürülmüş azərbaycanlılardan danışıb.

Sonra rejissor Maksim Mardukayevin “Qarabağ, səni tərk etmirəm” (“Karabagh, je ne te quitte pas”) adlı 50 dəqiqəlik sənədli filmi nümayiş olunub.

Azərbaycanlı qaçqınların və məcburi köçkünlərin həyatına həsr olunmuş film doğma yurdlarından didərgin salınmış qaçqın və məcburi köçkünlərimizin köhnə qatar deposunda sığınacaq tapmalarından, çətinliklərlə üzləşmələrindən və bütün bunlara baxmayaraq, doğma evlərinə qayıtmaq həsrəti ilə yaşamalarından bəhs edir.

1989-cu ildə Azərbaycana gələn M. Mardukayev qaçqın və məcburi köçkünlərlə görüşüb, onların söylədiklərini və öz gördüklərini lentə alıb. On beş il sonra yenidən ölkəmizə qayıdan rejissor həmin insanlarla yenidən görüşüb. Film qaçqın və məcburi köçkünlərin acınacaqlı talelərini nümayiş etdirir.

Filmin nümayişindən sonra Robert Şuman İnstitutunun vitse-prezidenti Florans Qabey və “Paris Match” jurnalının əməkdaşı, jurnalist-reportyor Jil Trişard Dağlıq Qarabağ münaqişəsinin nəticələrindən, bir milyon azərbaycanlının qaçqın və məcburi köçkün vəziyyətinə düşməsindən, onların hüquqlarını müdafiə edən beynəlxalq hüquqi sənədlərdən, bu insanlara dəyən sağalmaz yaralardan və mənəvi zərbələrdən söz açıblar, qaçqınlıq həyatına məruz qalan insanların keçirdiyi daxili sarsıntılardan danışıblar.


Daha sonra çıxış edən “Hilal” Sosial Araşdırmalar İctimai Birliyinin sədri Arzuman Abdulkərimov və ATXƏM-in icra katibi İlqar İlkin öz doğma torpaqlarında ermənilər tərəfindən əsir götürülmüş Dilqəm Əsgərov və Şahbaz Quliyevə diqqət çəkiblər. Azərbaycanlı girovlar haqqında məlumat verilib və onların qanunsuz məhkəmə tərəfindən məhkum olunduqlarını qeyd edilib.

Ermənistanın Avropa Konvensiyasının bir neçə maddəsini pozduğu diqqətə çatdırılıb. Azərbaycanlı əsirlərə işgəncə verildiyi, onların səhhəti ilə bağlı problemlərin yarandığı, ağır şəraitdə saxlanıldıqları vurğulanıb.

Bildirilib ki, 25 ildir heç bir beynəlxalq hüquqi sənədə riayət etməyən Ermənistan hələ də cəzasız qalır. Konfrans sual-cavablarla davam edib.

Rejissor Maksim Mardukayev AZƏRTAC-a müsahibəsində deyib ki, bu, onun Azərbaycan ilə bağlı ilk filmi deyil. O, əvvəllər də Azərbaycan operası, televiziyası ilə bağlı filmlər çəkib. 1989-cu ildə Qarabağ hadisələri başlayanda jurnalist qismində ölkəmizə gəlib. Rejissor qeyd edib ki, Azərbaycanı, xalqımızı, mədəniyyətimizi çox sevir.

“Filmdə Bakı ilə bağlı fraqmentlərlə şəhərin qısa müddətdə necə inkişaf etdiyini göstərmək istədim. Azərbaycanın böyük mədəniyyəti, musiqiçiləri var. Azərbaycan cazına heyranam. Azərbaycan ilə bağlı daha iki layihəm var. Fransada yaşamış azərbaycanlı yazıçı Banin haqqında film çəkmək istəyirəm. Onu şəxsən tanıyırdım. Artıq ssenarinin bir hissəsi hazırdır. Digər layihəm isə qaçqın uşağa, onun Qarabağ atına və “Xarı bülbül”ə həsr olunacaq”, - deyə M. Mardukayev söyləyib.

“Hilal” Sosial Araşdırmalar İctimai Birliyinin sədri Arzuman Abdulkərimov bildirib : “Çoxdan idi ki, belə bir tədbirin təşkili haqqında düşünürdük. Fransa ATƏT-in Minsk qrupunun həmsədridir. Qarabağ münaqişəsinin həlli ilə birbaşa məşğul olan bir ölkədə belə tədbirlərin təşkili çox vacibdir. Bugünkü konfrans əsasən erməni silahlı qüvvələri tərəfindən girov götürülmüş Dilqəm Əsgərov və Şahbaz Quliyevə, onların azad edilməsi istiqamətindəki prosesə həsr edilib.

Fransanın nüfuzlu şəxslərinin konfransda iştirakı girovlarımızı azad edəcəyimizə ümid verir. Böyük dövlətlərin bu işdə bizə yardım edəcəklərinə inanırıq.

Azərbaycan QHT-lərinin bu istiqamətdə fəaliyyətini müsbət qiymətləndirmək olar. Biz AŞPA, ATƏT və digər beynəlxalq təşkilatlar qarşısında münaqişə ilə bağlı məsələlər qaldırır, Ermənistanı işğala son qoymağa, girovları azad etməyə, beynəlxalq hüquqa riayət etməyə çağırırıq”.

Şəhla Ağalarova

AZƏRTAC-ın xüsusi müxbiri

Paris


Paris, 15 dekabr, AZƏRTAC

VIDEO
Azərbaycan konstitusion, hüququn aliliyini əsas götürmüş dünyəvi bir dövlətdir
 
Nuru paşanın adının əbədiləşdirilməsi bir xalq olaraq bizim vəfa borcumuzdur
 
Türklük Günü Salyanda qeyd olundu
 
“3 may Türkçülük günü” ilə bağlı mədəni-kütləvi tədbir keçirəcək
 
Azərbaycanın yeni Avropa siyasəti – 3 mühüm yol
 
ATXƏM AR Diasporla İş üzrə Dövlət Komitəsinin sədri Fuad Muradovu təbrik edir
 
 Salyanın Xələc kəndində seçicilərlə görüş keçirilib
 
“Bölgələrimizdə yaşayan insanlar seçkidə yüksək fəallıq nümayiş etdirəcəklər”
 
 Digər xəbərlər

Axtarış
 


Nəriman Əbdülrəhmanlı “İlqar İlkin: Yaşından böyük adam”

Cəmi üç ay əvvəl İlqar İlkinin 45 yaşı tamam oldu...

Türk Dünyası Bələdiyyələr Birliyi türk dünyasına nələr vəd edir?

Sovet rejiminin dağılması nəticəsində 5 Türk dövləti (Azərbaycan, Qazaxstan, Türkmənistan, Özbəkstan və Qırğızstan) müstəqilliyini elan edib müstəqil dövlətlərin sırasında yerini almış oldu.

Hazara Türkleri'nin Geçmişi ve Bugünü

Prof. Dr. Mehmet Toplu

Hoca Ahmet Yesevi Uluslararası Türk Kazak Üniversitesi; Doç. Dr. Gazi Üniversitesi İletişim Fakültesi


Hazara Türkleri'nin çoğunluğunun yaşadığı ülke olan Afganistan İslam Cumhuriyeti, Orta Asya’da yer alan ve denizi kıyısı olmayan bir ülkedir. Doğu ve güneyde Pakistan batıda İran, Kuzeyde Türkmenistan, Özbekistan ve Tacikistan, doğuda da ufak bir sınırla Çin ile komşudur. Toplam 652.864 km² lik coğrafi alana sahip olan ülkede, 2014 nüfus verilerine göre 31,822,848 kişi yaşamaktadır. Ülkede yaşayan her 1000 kişiden 23,06'sı mülteci statüsündedir. (Afganistan, 2016). Halkın %99'u Müslüman'dır. Bunların %80'i Sünni ve %19'u Şii'dir. %1'i ise diğer dinlere mensuptur.
 Digər xəbərlər
 Ayhan Dəmirçi: “Avropa Azərbaycan məsələsindən narahat olmağa başlayıb”
 
 
 
 Digər xəbərlər

Çox oxunan
Dostlarınızdan tövsiyə



Tarixi məqamlar
 
Aktiv sorğu yoxdur.

« İyul.2018
Be.Ça.Çə.Ca.Cü.Şə.Ba.
      1
2345678
9101112131415
16171819202122
23242526272829
3031     

Axşam: +27.. +29aydn yağmursuz
Gecə: +26.. +28aydn yağmursuz
Səhər: +30.. +32aydn yağmursuz
Gündüz: +32.. +34aydn yağmursuz
Atm. təziyi: 751 ìì
Rütübət: 56 %


free counters

© 2018 www.atxem.az
Powered by Danneo