Axtarış: 
ABŞ-ın ədalətli mövqe nümayiş etdirəcəyi şübhə doğurur...
+  -  Çap 
Yerləşdirilib: 17.12.19 | Baxılıb: 462
VKontakte Moy Mir Facebook Livejournal.com Twitter

Ötən həftə ABŞ Senatının 1915-ci il hadisələrini "erməni soyqırımı" kimi dəyərləndirərək, qanun layihəsini qəbul etməsi bizdə təəssüf doğurur.

Baxmayaraq ki, bu qanun layihəsi Nümayəndələr Palatasında səs çoxluğu ilə qəbul olunmuşdu, Senatın qəbul olunmuş bu layihəni dəstəkləyəcəyi güman olunmurdu. Hesab edirdik ki, Senat tarixdə baş vermiş hadisələri siyasiləşdirməyin əleyhinə olacaq, bu cür hadisələrdən siyasi təzyiq vasitəsi kimi istifadə etməyəcək.Lakin gözlədiyimizin əksinə olaraq, Senatın belə bir qanunu imzalaması göstərir ki, Senat qondarma "erməni soyqırımı" məsələsini uzun illər olduğu kimi Türkiyəyə qarşı siyasi təzyiq vasitəsi olaraq istifadə etməkdən hələ də əl çəkməyib. Əslində baxanda ABŞ-ın oynadığı siyasət artıq hamıya bəllidir. Senatda qəbul olunmuş qətnamə imzalaması üçün ABŞ Prezidenti Donald Trampa göndərilib və o bundan istifadə edərək, Türkiyəyə qarşı istədiyi tonda danışmaq istəyəcək.

Maraqlıdır ki, qətnamədə ABŞ hakimiyyətini "erməni soyqırımı" və ya digər soyqırımlarla bağlı inkar etməmək və belə cəhdlərə yol verməmək kimi tövsiyələr yer almaqdadır. Xatırlayırıq ki, bir neçə il əvvəl də Fransa Senatında “erməni soyqırımı”nı inkar edənlərin cinayət məsuliyyətinə cəlb olunması haqqında qanun layihəsi müzakirəyə çıxarılmışdı.

Hesab edirik ki, ABŞ və Fransanın bu məntiqsiz qanunları vaxtaşırı gündəmə gətirməsi yalnız Türkiyənin deyil, həm də Avropaya inteqrasiya edən Azərbaycan ictimayyətinin istər ABŞ-ın, istərsə də Fransanın tərənnüm etdiyi demokratik dəyərlərə zidd olaraq görülməkdədir. ABŞ və Fransanın ATƏT-in Minsk Qrupunun üzvü olan üç ölkədən ikisi olduğunu nəzərə alsaq, hər iki dövlətdə belə bir qanun layihəsinin müzakirəyə çıxarılması uzun illər ərzində Ermənistan-Azərbaycan Dağlıq Qarabağ probleminin həlli ilə bağlı beynəlxalq vasitəçilərin atmış olduğu bütün müsbət addımların mahiyyətinə kölgə sala bilər və Cənubi Qafqaz regionunda Ermənistanla Azərbaycan arasında olan konfliktin həllinə ciddi maneçilik törədə bilər.

Çünki, ABŞ və Fransa Senatında heç bir məntiqə sığmayan bu cür qanunların qəbul olunması Azərbaycan ictimayyətində belə bir fikir yarada bilər ki, ABŞ və Fransa Ermənistan-Azərbaycan Dağlıq Qarabağ probleminin həllində ATƏT-in Minsk Qrupunda fəaliyyət göstərdiyi dönəmdə öz fəaliyyətində bitərəf və səmimi olmayıb, münaqişənin həll olunmasında və Ermənistan ordusunun işğal altında saxladığı Azərbaycan torpaqlarından geri çəkilməsi üçün lazımı addımlar atılmasında maraqlı olmayıb, bu səbəbdən də münaqişə bu günə qədər həll olunmayıb.

Başqa sözlə desək, bu qanunun qəbulu ilə ABŞ və Fransa münaqişənin həll olunmamasının əsas günahkarlarından biri olmaq suçunu öz boynuna götürmüş olur. ABŞ Senatının qəbul etdiyi qanun layihəsi də göstərir ki, bu ölkənin siyasi hakimiyyəti "erməni məsələsi"ndə özünü açıq-aydın tərəf kimi göstərir və "erməni simpatiyası"nı heç vaxt gizlədə bilmir. Belə olan halda, Azərbaycan-Ermənistan Dağlıq Qarabağ münaqişənin nizamlanmasında ABŞ-ın vasitəçiliyinin davam etdirməsi və ədalətli mövqe nümayiş etdirəcəyi artıq bizdə şübhə doğurur.

Hesab edirik ki, bizə bu gün demokratiyanın və insan hüquqlarının qorunduğu bir ölkə kimi tanıdılan ABŞ erməni lobbisinin təsiri altında heç bir tarixi faktları araşdırmadan belə bir addımı atmayacaq. Təəssüf hissi ilə bildiririk ki, ABŞ Senatı 1992-ci ilin fevralında daşnak erməni millətçiləri tərəfindən törədilmiş qanlı Xocalı soyqırımına eyni həssaslıqla yanaşmayıb, Xocalıda törədilmiş soyqırıma sərt reaksiya verməyib. Lakin 1915-ci ildə I dünya müharibəsi zamanı olan hadisələrə heç bir tarixi araşdırma aparmadan tez-tələsik siyasi qərar verməyə cəhd göstərir. Odur ki, ABŞ Senatında qəbul olunmuş bu mənfur qanun layihəsini hiddətlə pisləyir, qanun layihəsinin imzalanmamasını tələb edirik. Ümid edirik ki, bütün Amerika xalqının fikrini əks etdirməyən, yalnız erməni lobbisinin təsiri altında olan bir qrup siyasətçilər tərəfindən qəbul olunmuş bu qanun layihəsi imzalanmayacaq, ABŞ prezidenti Donald Tramp heç bir tarixi reallığa söykənməyən hadisələri siyasi oyunlara alət etməyəcəkdir.

İlham İsmayılov
Azərbaycanlıların və digər Türkdilli
Xalqların Əməkdaşlıq Mərkəzinin sədri

17 Dekabr 2019 13:12

VIDEO
İstanbulda Xocalı soyqırımı ilə bağlı yürüş keçirilib
 
ABŞ-ın ədalətli mövqe nümayiş etdirəcəyi şübhə doğurur...
 
Brüsseldə Avropa Azərbaycanlıları Konqresinin iclası keçirilib
 
Niderland Krallığında fəaliyyət göstərən Türk media qurumları ilə görüş
 
Brüsseldə “Avropada diaspora və media lobbiçiliyi” layihəsi çərçivəsində dəyirmi masa keçirilib
 
Brüsseldə
 
İlham İsmayılov:
 
“Hədəf” liseyində Türkiyənin Cümhuriyyət bayramı qeyd olunub
 
 Digər xəbərlər

Axtarış
 


Rüstəm Behrudinin təlaşı

Uşaq yaddaşımda qalan təlaş, qorxu və səksəkə bəlkə də məni ayaqda tutan bir səbəb olub. Qaraçöpün yaylalara götürdüyü ağ sürüləri daima təhdid altında olurdu; Ənsəndə hər zaman bir qurdun hənirtisini duyurdun sanki.

Nəriman Əbdülrəhmanlı “İlqar İlkin: Yaşından böyük adam”

Cəmi üç ay əvvəl İlqar İlkinin 45 yaşı tamam oldu...

Türk Dünyası Bələdiyyələr Birliyi türk dünyasına nələr vəd edir?

Sovet rejiminin dağılması nəticəsində 5 Türk dövləti (Azərbaycan, Qazaxstan, Türkmənistan, Özbəkstan və Qırğızstan) müstəqilliyini elan edib müstəqil dövlətlərin sırasında yerini almış oldu.
 Digər xəbərlər
 Ayhan Dəmirçi: “Avropa Azərbaycan məsələsindən narahat olmağa başlayıb”
 
 
 
 Digər xəbərlər

Çox oxunan
Dostlarınızdan tövsiyə



Tarixi məqamlar
 
Aktiv sorğu yoxdur.

« Okt.2020
Be.Ça.Çə.Ca.Cü.Şə.Ba.
   1234
567891011
12131415161718
19202122232425
262728293031 

Axşam: +14.. +16aydn yağmursuz
Gecə: +13.. +15aydn yağmursuz
Səhər: +17.. +19buludlu yağmursuz
Gündüz: +17.. +19dəyişkən buludlu yağmursuz
Atm. təziyi: 769 ìì
Rütübət: 68 %


free counters

© 2020 www.atxem.az
Powered by Danneo