+  -  Çap 

Azərbaycanda səfərdə olan "Türkman irsi: vətəndaş cəmiyyətlərinin həmrəyliyi' Forumunun iştirakçıları 2025-ci il martın 15-də Xocalıda olublar. Qonaqlar Əsgəran qalası, Xocalı şəhəri ilə tanış olublar.

Daha sonra Türkmən vətəndaş cəmiyyətinin təmsilçiləri Xankəndidə olublar. Qarabağ Universitetində təşkil olunmuş görüşdə qonaqlar universitetin fəaliyyəti ilə yaxından tanış olubar. Sonra qonaqlar Şuşa şəhərinə səfər ediblər və Şuşa şəhərində Mehmandarovların malikanə kompleksində, Molla Pənah Vaqifin muzey-məqbərə kompleksində və Cıdır düzündə, Şuşa qalasında, İsa bulağında olublar.

Nümayəndə heyəti Üzeyir Hacıbəyovun, Xurşidbanu Natəvanın, Bülbülun abidələrini ziyarət ediblər. Gəzinti zamanı qonaqlara Şuşada ermənilərin törətdikləri vandalizmlə, həmçinin son illər aparılan bərpa və quruculuq işləri ilə bağlı geniş məlumat verilmişdir.








ATXƏM İB-nin
Mətbuat Xidməti