+  -  Çap 

"Türkman irsi: vətəndaş cəmiyyətlərinin həmrəyliyi” Forumu iştirakçıları martın 16-da Füzuli şəhərinə səfər ediblər.

Qonaqlar dahi Azərbaycan şairi, Türk Dünyasının görkəmli simalarindan olan Məhəmməd Füzulinin adını daşıyan Füzuli şəhərinin tarixi ilə yaxından taniş olublar. Qonaqlara erməni vandalizminə məruz qalmış şəhərdə son illərdə aparılan quruculuq-bərpa işləri, şəhər infrastrukturunun yenilənməsi və qarşıda duran layihələr haqqında geniş məlumat verilmişdir.



Nümayəndə heyəti Türk dünyasının - Özbəkistan və Qazaxıstanın Azərbaycana qardaşlıq rəmzi olaraq inşa etdirdikləri Mirzə Uluqbəy adına 1 saylı tam orta məktəbdə və Kurmanqazı adına Uşaq Yaradıcılıq Mərkəzində yaradılmış müasir təhsil sistemi ilə tanış olublar.



Forum iştirakçıları Qarabağa səfəri başa vuraraq Bakıya qayıdıblar. Martın 17-də nümayəndə heyəti Bakıda bir sıra yerləri ziyarət edəcək və görüşlər keçirəcək. Martın 18-də Heydər Əliyev Mərkəzində “Türkman irsi: vətəndaş cəmiyyətlərinin həmrəyliyi” Forumu işə başlayacaq.








ATXƏM İB-nin
Mətbuat Xidnəti