+  -  Çap 

3 may 2025-ci il tarixdə Türkiyə Cümhuriyyəti Cumhurbaşkanlığı Əlaqələr Müdirliyinın ev sahibliyi ilə Bakıda Heydər Əliyev Mərkəzində keçirilən 3 May Türkçülük Gününə həsr olunmuş tədbirdə Azərbaycandan və Türkiyədən olan QHT rəhbərləri, iş adamları iştirak etmişlər.


Türkiyənin Azərbaycandakı səfirliyinin media müşaviri Alptekin Cihangir İşbilirin moderatorluq etdiyi "Dil, İdeya və İşdə Birlik: Türk Dünyasının Gələcəyi Paneli"ndə ATXƏM İB-nin sədri İlham İsmayılov "Türk Dövlətləri Təşkilatı və Türk birliyinə baxış" və "Türk dünyasının birlik baxışı: ortaq keçmiş, ortaq gələcək, ortaq ideal" mövzuları ilə bağlı çıxış etmişdir. İ.İsmayılov qeyd etmişdir ki, bu günkü günün əsas ruhuna uyğun olaraq biz o zamankı öndərləri, Nihal Atsızı, Zeki Vəlidi Toğanı, Nejdet Sançarı, Reha Oğuz Türkkanı, Alparslan Türkeşi unutmayaq. Bu ideoloji xətt davam etdirilıb bu günə qədər gətirib çıxarılmış və biz bunu estafet kimi gənclərimizə ötürülməliyik. Gənc nəsil bu xətti qoruyub saxlamalı və Türkçülüyü bir romantik xəyalpərəst bir duyğu kimi qarşılamamalıdır, əksinə özünumüdafiə instinktİ kimi, milli ideoloji bir xətt kimi götürməlidir.

Türk dünyasının birliyi özünün daha güvənli qorunmasını təmin etməlıdir və biz bunu hər zaman təbliğ etməliyik.

Tədbirin növbəti panelində AR QHT-lərə Dövlət Dəstəyi Agentliyinin İcraçı Direktoru Aygün Əliyeva, Türkiyənin Azərbaycanda Səfiri, Prof., Dr. Birol Akgün və digərləri çıxış etmişlər.

Tədbir bədii hissə ilə davam etmişdir.

ATXƏM İB-nin
Mətbuat Xidməti